Со доградба на градинката во Градско зголемен капацитетот за згрижување на деца
Детската градинка „Кокиче“ во Градско е просторно проширена со што е зголемен капацитетот на деца кои може да се згрижат од сегашните 35 на 55. Градинката е проширена за уште 100 метри квадратни. Има уште една занимална и доградена е трпезаријата за што се инвестирани еден милион и 900 илјади денари од Министерството за труд и социјална политика.
Преуредена е и внатрешноста на стариот дел од градинката, заменет е мебелот, набавени се нови детски реквизити и опремена е кујната со нови елементи. Средствата во висина од 340 илјади денари се обезбедени од Амбасадата на Полска.
– Има голем интерес на родителите од населбата Градско за сместување и згрижување на нивните деца во градинка. Затоа овој проект е во насока на исполнување на нивните барања и потреби, изјави градоначалникот на општина Градско, Роберт Бешовски.
Тој најави дека општината ќе поведе постапка градинката да функционира како самостоен правен субјект под ингеренции на Општина Градско.
Ново на Сител
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители
-
ДСЗИ констатира незаконско работење на Токсикологија – лица без договор за работа давале здравствени услуги
-
Супервештачење за случајот Веапоска која остана без три органи
-
Ученикот кој претепа наставничка ќе биде префрлен во друго училиште
-
Просечната плата помала за 5 евра, трошоците зголемени за 20 евра - синдикалната кошничка надмина 1.000 евра
-
Протест во прилепскиот затвор
-
Преглед на вестите од светот