Со ДНК анализа против неодговорните сопственици на кучиња
Функционерите на градот Тарагона на североистокот на Шпанија планираат со ДНК анализа на кучешки измет да ги најдат неодговорните сопственици на кучиња, кои не чистат по своите миленици и така ќе ги казнуваат, пренесоа локалните медиуми.
Функционерите на овој крајбрежен град планираат да соработуваат со локалниот универзитет за да создадат ДНК база на податоци на регистрирани кучиња и на тој начин да ги идентификуваат сопствениците, рече Ивана Мартинез, градски советник за јавни простори на локалното радио Кадена Сер.
ДНК измет најден на улица или во парк ќе биде провлечен низ датотека и неодговорниот сопственик ќе добие казна, објасни таа. – Моментално, ако полицијата не е на лице место во вистински момент, тешко можеме да дознаеме кој ги крши правилата – рече Мартинез.
Сопствениците на кучињата ќе мора да ги платат трошоците за ДНК анализата и да платат казна.
Мартинез додаде и дека градските власти сакаат датотеката да биде што побрзо оперативна но за сега не се знае почетокот на нејзината работа.
Тарагона, град со околу 135.000 жители, познат е по локалитети од римскиот период вклучувајќи и амфитеатар покрај морето и има 2.800 регистрирани кучиња.
Ново на Сител
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени