Снегот не предизвика проблеми во сообраќајот во Кумановско
Снегот што синоќа го зафати Куманово не предизивика проблеми во градот. Висината на снежната покривка во градот е незначителна,а регионалните и локалните патишта се проодни и чисти, информираат денеска од Регионалниот центар за управување со кризи.
Снегот не предизивка проблеми ниту во соседните општини, Старо Нагоричане и Липково. Одговорното лице од општина Старо Нагоричане Дарко Митровски информираше дека снегот во оваа општина не предизвикал проблеми, но, сепак, како што рече, во текот на денот екипи од општината ќе ги посетатат повисоките планински места.
Од ЈП „Македонија пат“-секција Куманово информираат дека магистралните и регионалните патишта во Куманово и соседните општини се проодни. Екипите во текот на вчерашниот ден и ноќта интервенирале и ги чистеле патиштата.
Раководителот Тихомир Алексовски информираше дека незначителни проблеми имало кај Павлешенци, каде поради ветерот и наносите од снег сообраќајот се одвивал отежнато, но без застој, по влажен коловоз.
Од општина Куманово информираат дека екипите на двете фирми кои се ангажирани од општината во текот на ноќта ги чистеле улиците и булеварите во градот.
Ново на Сител
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“