Снегот и дождот ќе го зголемат нивото на водотеците
Поради релативно топлото време и позитивните температури на воздухот се очекува топење на снегот кој падна во изминатото деноноќие и тоа на местата пониски од 1.500 метри надморска висина со што ќе биде зголемен приливот на вода во речните корита и суводолиците, информираат од Управата за хидрометеоролошки работи (УХМР).
Моментално протекот на вода во реките, додаваат, е под просекот или околу просекот за овој период од годината.
– Се очекува зголемување на водостојот на водотеците во западниот дел на земјава, како и во горниот дел од сливот на Вардар. Кај помалите реки и суводолиците можно е позначително зголемување на водостојот, додека кај поголемите реки освен извесно зголемување на водостојот не се очекува излевање на водата од речните корита, велат од УХМР и предупредуваат на внимателно движење покрај реките и суводолиците во текот на утрешниот ден.
Како што претходно информира УХМР, под влијание на потопол влажен бран од денеска кон крајот на денот, како и во текот на утрешниот ден најпрво во западните, а потоа и во останатите делови од земјата ќе има врнежи од дожд кои на места во западните делови се очекува да бидат пообилни и локално да наврнат над 40 литри на квадратен метар.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово