Балкан
29. November 2017 - 20:15

Смрт во живо: Праљак дојде насмеан, а после испи отров пред милионската публика

Портпаролот на Хашкиот трибунал Ненад Голчевски изјави денеска дека осудениот Слободан Праљак починал денеска во локална болница, каде беше сместен откако испи отров во судницата.

На поранешниот началник на Главниот штаб на Хрватскиот совет за одбрана, генералот Праљак денеска Хашкиот трибунал му ја потврди казната од 20 години затвор за воени злосторства. 

- Генералот Праљак е пренесен во локалната болница со цел да му се укаже медицинска помош. Тој почина во болницата, посочи Голчевски. 

Тој наведе дека во согласност со стандардната процедура холандските власти покренаа независна истрага.