Словенија до крајот на февруари ќе добие 26.000 вакцини од Модерна
Словенија до крајот на февруари ќе добие 26.000 дози од новоодобрената вакцина против коронавирус на компанијата „Модерна“, соопшти денеска Министерството за здравство.
Европската комисија и „Модерна“ се согласија за испорака на 80 милиони дози со можност за зголемување за уште 80 милиони дози.
Словенија има право на 369.767 дози од секоја залиха, јави словенечката агенција СТА.
Европската агенција за лекови (ЕМА) ја одобри вакцината на „Модерна“ на 6 јануари, а нејзината дистрибуција меѓу земјите-членки ќе започне следната недела.
Тоа е втора вакцина против коронавирус одобрена во ЕУ, а кампањата за вакцинација со вакцината на „Фајзер/Бионтек“ официјално трае од 27 декември.
Американско-француската фармацевтска компанија ги извести Европската комисија и земјите-членки дека нејзиниот производствен капацитет е ограничен, што ќе влијае на снабдувањето на пазарот на ЕУ, соопшти Министерството за здравство.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка