Словачки обвинител тврди дека убиството на Куциак веројатно било нарачано
Убиството на словачкиот истражувачки новинар Јан Куциак и неговата девојка минатиот месец најверојатно било нарачано, изјави неименуван обвинител во Братислава.
- Немаше знаци на борба и најверојатно ништо не е украдено, што укажува на тоа дека убиството било нарачано. Куциак работеше на многу стории. Полицијата спроведува неколку истраги со исто внимание, рече обвинителот.
Тој потсети дека Куциак (27) и неговата девојка Мартина Кушнирова (27) беа убиени минатиот месец во нивниот дом во близина на Братислава и додаде дека им било пукано во главите.
Полицијата ги пронајде нивните тела на 25 февруари откако роднини пријавиле дека ниту еден од нив цел ден не се јавува на телефон.
За убиството до сега никој не е обвинет, а полицијата и обвинителството продолжуваат да молчат за истрагата во чии рамки досега се испрашани 200 луѓе.
Куциак следел словачки бизнисмен чие име е споменато во „Панамските документи“, а истражувал и случаи на измами во кои тој бизнисмен бил поврзан со словачки политичари.
Тој, покрај тоа, истражувал и можна поврзаност на италијанската мафија со разни активности во Словачка.
Ново на Сител
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија