Скулптура „Балкански тотем“ на Златко Крстески изложена во Полска

Дело од македонскиот уметник Златко Крстески, насловено „Балкански тотем“ е поставено во Ленд паркот на скулптури во Гарбатка Летниско во Полска, информираат од Здружението за уметност и култура „Визант“ со седиште во Прилеп.

Скулптурата со димензии 110 на 80 сантиметри, јавор, Крстески го работел во рамки на 9. Интернационален Пленер, што од 18 до 31 јули се одржа во Полска. Комесар на Интернационалниот Пленер бил Мирек Дедицки.

Инаку, информираат од Здружението, за Гарбатка Летниско, познатиот полски режисер Анджеј Вајда ќе сними и филм.