СКРМ бара нов закон за култура
Синдикатот на културата на Република Македонија (СКРМ) бара да се изготви целосно нов закон за култура во кој културните работници нема да бидат изедначени со јавната администрација.
- Во пракса се покажува и докажува дека измените во Законот условуваат низа нерешливи ситуации и рестрикции за вработените, без при тоа да донесат какви било подобрувања и ефикасност во работата. Затоа, повторно инсистираме да се изготви целосно нов закон за култура во кој ќе се исфрлат сите неуставни измени на изедначување на културните работници со јавната администрација. СКРМ може да помогне во изготвување на еден современ закон усогласен со европското законодавство, соопшти СКРМ.
Синдикатот наведува дека културата е премногу широк феномен за да може да биде опфатена со еден единствен закон и дека во најголем број земји во светот постојат единствено посебни закони со кои се регулираат одделни сфери од културата.
- Но, ако се инсистира да се продолжи традицијата за закон за култура, тоа треба да биде еден општ закон кој ќе го регулира единствено она што им е заедничко на сите сфери на културата, како појмовните одредби, опсегот, етичките прашања, финансирањето и сл. Во него треба да се исфрлат сите членови кои секаде во светот се решаваат во законите за работни односи, како и во колективните договори, но никако во Законот за култура, соопшти Синдикатот на културата на Република Македонија.
Ново на Сител
-
Погребна фирма во САД проневерила државна помош - не ги погребувала и кремирала телата
-
Да ѝ помогнеме на Моника Бојковска да оздрави
-
Арсовска: Нема да поминат заканите за тужба, да се одговори кога е осигуран објектот на Универзална сала
-
Албанец одбива да прими казна оти била напишана на македонски јазик
-
Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“
-
Градоначалник на скопска општина доби кривична за прекршување на Законот за заштита на деца
-
Грејната сезона продолжува поради временските услови
-
Османи: За предметот „Пациент“ на СЈО немаше обвинение, мојот противкандидат нема идеи во оваа изборна кампања