Скоро 70% од учесниците во сообраќајките се на возраст од 20 до 40 години, околу 70% се мажи
Скоро 70% од учесниците во сообраќајните несреќи се млади лица на возраст од 20 до 40 години, од нив најголемиот дел или околу 70% се лица од машки пол. Статистиката покажува дека човечкиот фактот и понатаму е главната причина за предизвикување на сообраќајните несреќи. Токму затоа неопходно е повисоко ниво на јавната свест и континуирана едукација за последиците од непочитувањето на правилата и прописите, велат од Републичкиот совет за безбедност во сообраќајот на патиштата кои реализираат серија едукативни трибини насловени ,,Животот е во твоите раце,,.
,, Со 7, 3 % загинати на 100 000 лица се наоѓаме на 13 илио 14 место во државите од Европа тоа сепак говори дека имаме уште многу да учиме и имаме уште многу да работиме на ова поле.,, вели Љупчо Ставрески од Републичкиот совет за безбедност во сообраќајот на патиштата
,, Целта ни е да се доближи информацијата, да се запознаат, на секој можен начин да се направи превенција, а исто така да се запознаат и со последиците при сообраќајните незгоди бидејќи се присутни..,, вели д-р Татјана Баевска Вучковиќ – директор на Здравствен дом Скопје д
Најголемиот дел од сообрачајните несреќи во изминатите неколку години се случиле поради преголемата брзина, но и порад тоа што дел од учесниците во истите биле под дејство на алкохол.
,, Ние сакаме на младите учесници и идни учесници во сообраќајот да им укажеме дека под дејство на алкохол и под дејство на дрога не смее да се вози. Тоа навистина е многу опасно, ризично и навистина безбедноста во сообраќајот е една многу комплексна, комплицирана тематика и проблематика бидејќи се работи за човечки живот, а знаеме дека човечкиот живот нема цена.,, вели Росана Јанков – портпарол на АМСМ
Минатата година во сообраќајните несреќи кои се случиле на патиштата во Македонија животот го загубиле 148 лица, од нив 24 биле деца на возраст од 1 до 18 години.
-
Зоран Ѓоргиев
Сите содржини од овој новинар