Скопје доби нови електромобили

Седум електромобили и пет електрични тротинети за туристичко разгледување на Скопје. Градските власти ги збогатуваат можностите и начините преку кои туристите се запознаваат со обележјата на главниот град. Билетот во електромобилите ќе чини 50 денари додека еден час возење со електротротинетите ќе се наплаќа 100 денари.

Набавката на овие електрични превозни средства според првиот човек на градски паркинг ќе претставува дополнителен поттик за домашните и странските туристи да ги видат местата и локациите препознатливи за градот.

Електромобилите имаат 4 места за седење, и со својот класичен изглед ќе бидат магнет за посетителите на Скопје.