Скопјанец се бори за живот: Претепан бидејќи украл „Ауди“ од рент-а-кар
Четириесет и седум годишниот Ф.А. од Сарај со тешки повреди се бори за живот во Клиничкиот центар откако бил претепан.
Од полицијата информираат дека вчера во 15:20 часот на крстосницата од ул. „Црногорска“ и ул. „Андон Папрадишки“ во Скопје, откако претходно Ф.А. одзел патничко возило “Ауди А6“ (сопственост на рент а кар фирма), загубил контрола врз возилото и удрил во бетонски столб.
- По незгодата, Ф.А. пеш се дал во бегство, но сопственикот на рент а кар фирмата А.Н. (36) од Скопје успеал да го фати и физички го нападнал. Ф.А. се здобил со повреди и со возило на Итна медицинса помош бил пренесен во Ургентен центар при Комплекс клиники „Мајка Тереза“. Од страна на лекар му биле констатирани тешки телесни повреди и се наоѓа во животна опасност, информираат од полицијата.
За сообраќајната незгода увид на местото извршила екипа од СВР Скопје.
Од МВР посочуваат дека за бесправното одземање на возилото, како и за физичкиот напад ќе бидат поднесени соодветни поднесоци по целосно документирање на случаите.
Ново на Сител
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела