Скопјанец обвинет за предизвикување општа опасност со пукање од автоматски пиштол
Основното јавно обвинителство Скопје поднесе Обвинителен акт против едно лице кое се товари дека го сторило кривичното дело „неовластено изработување, држење, посредување и тргување со оружје или распрскувачки материи“ по член 396 став 2 во врска со став 1, како и за кривично дело „предизвикување општа опасност“ согласно член 288 став 1 од Кривичниот законик.
Како што соопшти денеска Јавното обвинителство, обвинетиот 24-годишник, на 2 ноември минатата година, неовластено држел огнено оружје кое на граѓаните им е забрането – автоматски пиштол ЦЗ ВЗ61 Шкорпион, како и десет куршуми за тој пиштол со калибар 7,65 милиметри.
На критичниот ден, на улица „Цветан Димов“, тој забележал едно лице и испукал неколку куршуми кон него, со што со умисла презел општо опасно дејствие и го загрозил животот и телото на оштетениот. Во настанот биле оштетени три паркирани моторни возила.
Бидејќи постојат околности кои упатуваат на опасност од бегство и можност обвинетиот да го повтори делото, надлежниот јавен обвинител до Основниот кривичен суд Скопје доставил предлог за продолжување на претходно определената мерка притвор.
Ново на Сител
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“