Склучување договори за огревно дрво во Крива Паланка
Во тек е склучување договори за огревно и техничко дрво за грејна сезона 2017 согласно со јавниот повик на Јавното претпријатие „Македонски шуми“. Од Подрачното шумско стопанство „Осогово“ Крива Паланка ги повикаа жителите на Крива Паланка и Ранковце навреме да склучат договор и да се снабдат со дрва.
- По цена од 2.371 денар за метар просторен дабово дрво граѓаните од двете општини можат да се снабдат со огревно дрво за следната грејна сезона. Договорите може да се склучат за плаќање во готово или најмногу на шест рати, а ќе се потпишуваат заклучно со 31 март годинава, изјави Весна Митровска, директор на ПШС „Осогово“, Крива Паланка.
Купопродажните договори може да ги склучуваат правни и физички лица.
- Побарувачката на дрва сезонава е во пораст, голем број физички лица веќе склучија договори, а интерес има и кај приватниците, сопственици на дуќани, приватни здравствени ординации, фризерски дуќани, како и останати фирми кои го користат како ресурс дрвото, а тоа се фурни, бурекчилници и сл. Испораката на огревно дрво ќе се врши по исплаќањето на целата сума предвидена со договорот, по редослед на уплата, додава Митровска.
Информира дека вршат и транспорт на дрвата, од склад до краен потрошувач, зависно до барањата на купувачите.
- Поради екстремно ниските температури кои ја зафатија државата, зголемена е и побарувачката на дрво за огрев периодов, а ние во нашите складови имаме резервни количини багремови сеченици кои граѓаните можат да ги купат по цена од 1.800 денари за метар просторен, рече Митровска.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово