Скенирани близу три милиони фискални сметки, повратот на ДДВ кон граѓаните 25,3 милиони денари
Сто и четириесет илјади граѓани досега ја имаат преземено апликацијата МојДДВ, скенирани се вкупно 2.993.788 фискални сметки, остварен е промет од 1.572.173.704 денари, а повратот од 15 отсто од пресметаниот ДДВ изнесува 25.368.380 денари, соопшти Управата за јавни приходи.
Мерката за поврат на 15 отсто од пресметаниот ДДВ, почна да се применува од 1 јули 2019 година, а УЈП изразува задоволство од досегашната реализација на мерката како и од ефектите што се во насока на намалување на сивата економија.
Управата за јавни приходи ја известува јавноста дека граѓаните кои не се во можност да ја користат апликацијата МојДДВ на своите телефони, може да ги користат услугите што ги нуди УЈП во сите свои организациски единици каде фискалните сметки може да се скенираат на киоск апарати, баркод читачи, како и паметни телефони на кои е инсталирана апликацијата МојДДВ.
Во Управата за јавни приходи граѓаните, како што стои во соопштението, пријавуваат нерегуларности и се почесто инсистираат да им бидат издадени фискални сметки.
Ново на Сител
-
Протест на вработените во „Водовод“ - си ја бараат мартовската плата
-
Ракетен напад во Иран
-
Преглед на вестите од светот
-
МОН: Деновите од изборите ќе се одработуваат во две саботи, СОНК бара повлекување на одлуката
-
Втор ден кампања за парламентарните избори
-
Последни 4 дена од кампањата за претседателските избори
-
Дуалното образование се попривлечно за средношколците
-
Струмичкиот театар одбележува 75 години постоење