Фудбал
7. May 2019 - 12:31

Сити не ја дава титулата, падна и Лестер

Манчестер сити се намачи, но стигна до 1:0 победа над Лестер сити на „Етихад“ благодарение на фантастичниот гол на капитенот Винсен Компани, за да направи уште еден огромен чекор кон одбраната на титулата.

Со победата, „четата“ на Пеп Гвардиола се врати на првото место во Премиер лигата со 95 поени, еден повеќе од Ливерпул и пред нив е само уште неделното гостување кај Брајтон (кои веќе обезбедија опстанок), каде што со сигурна победа го „грабаат“ трофејот. Ливерпул, пак, дома ќе ги пречека Вулверхемптон со надеж дека тие ќе „кикснат“.