Сите пратеници да дадат придонес во донесувањето на законот за спречување и заштита од дискриминација, апелира Шахпаска
Министерката за труд и социјална политика очекува сите пратенички групи да дадат придонес и во предвидениот рок да биде донесен законот за спречување и заштита од дискриминација, кој во моментов е во второ читање во Собранието.
-Законот за спречување и заштита од дискриминација влегува во завршна фаза од собраниската постапка. Со пратениците во Собранието на Република Македонија денеска, на амандманска расправа во Комисијата за европски прашања, ги разгледуваме клучните аспекти од Предлог-законот кој беше позитивно оценет од Венецијанската комисија, од ГРЕКО, но и од невладиниот сектор во земјава, напиша Шахпаска на својот фејсбук-профил.
Законското решение, додава таа, гарантира избор на професионална, објективна и независна Комисија за спречување и заштита од дискриминација, која на нашите граѓани им е неопходна.
-Верувам дека сите пратенички групи ќе дадат свој придонес овој Предлог-закон да биде усвоен во предвидениот рок, а Комисијата за спречување и заштита од дискриминација да биде избрана во транспарентна и независна постапка, напиша министерката Шахпаска.
Ново на Сител
-
79-годишен дедо нападнал полицаец во Куманово
-
Грк починал во битолско казино
-
Во Штип на гласање до 9 часот излегле 5,27 отсто од гласачите
-
Излезноста до 9 часот во Општина Тетово е 3,2 отсто
-
Излезноста во Струга до 9 часот 2,4 отсто, во Вевчани 5,5 проценти
-
Во Неготино до девет часот гласале 5.83 проценти од гласачите
-
До 9 часот во Дебар еден отсто, во Центар Жупа 1,9 отсто излезеност
-
Во Велес и Велешкo до 9 часот излезеноста е 4,97 проценти