СИРИЗА организира дебата за договорот во Солун, навивачите на ПАОК најавуваат протести
„Македонското прашање: придобивките од договорот и перспективите на Балканот“ е насловот на политичкиот настан-дискусија што вечер го организираат од огранокот на СИРИЗА во Солун. Паралелно, како реакција и во знак на несогласување со потпишаниот договор, навивачите на ПАОК, но и членови на солунско движење најавија протест пред културниот центар каде што ќе се одржи дебатата.
На настанот организиран од владејачката партија, планирано е да говорат пратеникот на СИРИЗА од Солун, Триандафилос Митафидис, координаторот за европска политика во СИРИЗА, Јоргос Верверис и професорот по политички науки од солунскиот универзитет Аристотелис, Вермуд Орбаке.
Како што јави дописничката на МИА од Атина, навивачите на ПАОК, пак, најавуваат „пречек како што им доликува“ и ветуваат дека „нема да се одржи таков понижувачки пропаганден настан“.
- На 17 јуни ја потпишаа нивната конечна и неотповиклива пресуда, отстапувајќи го македонското културно наследство и признавајќи паралелно македонски јазик и идентитет за една државичка на Словените. Но, не останаа само на тоа, туку се обидуваат да не убедат за „огромниот успех“ на оваа нивна постапка и организираат настан за „придобивките“ од договорот, соопштуваат навивачите на ПАОК.
Независно од овој протест, на мирен собир, пред културниот центар во Солун повикуваат и од солунското движење под име „Движење Свирам“.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје