Сириските сили започнаа нова офанзива против бунтовниците во Алепо

Сириските владини сили, поддржани од руски авиони, денеска започнаа нова офанизва во Алепо, во обид да ги потиснат бунтовниците од деловите на градот што се под нивна контрола, јави ДПА. 

Германската агенција, повикувајќи се на изјави на локални жители на Алепо, информира дека главниот правец на нападот на владините сили е кон североисточните делови на градот, кои изминативе недели беа изложени на жестоки воздушни напади.

Владините сили успеале да напредуваат во населбата Сулејман ал Халаби во источниот дел на градот, каде што се наоѓа главната пречиситителна станица за вода во Алепо. За време на воздушните напади станицата е сериозно оштетана и таа не фукционира, а уништен е и поголем дел од водоводната мрежа во источниот дел на Алепо. 

Според хуманитарните организации, во делот од Алепо што е под контрола на бунтовниците се наоѓаат околу 300.000 лица, кои се опколени од владините сили и се соочуваат со недостиг на храна, лекови и струја.