Свет
27. April 2017 - 14:12

Сирија ги отфрли обвинувањата на Франција дека режимот на Асад е одговорен за хемискиот напад

Сириските власти ги отфрлија обвиненијата на Франција дека се директно вмешани во хемискиот напад врз село, под контрола на бунтовниците и го обвинија Париз дека ги крие вистинските извршители.

На 4 април во воздушен напад врз Хан Шејхун во северозападната провинција Идлиб беа убиени 88 лица, меѓу кои 31 дете, според податоци на Сирискиот центар за мониторинг на човековите права. 

Силите лојални на сирискиот претседател Башар ал Асад извршиле напад со нервен гас сарин на почетокот на месецот во Сирија, а Асад или некој кој му е близок го наредил тоа, е заклучок на француските разузнавачки служби, кој беше објавен вчера. 

Францускиот министер за надворешни работи Жан-Марк Еро изнесе вчера делови од извештајот на разузнавачката служба за нападот на 4 април во Идлиб, во кој беа убиени 87 лица.

- Нема сомнение дека е употребен гас сарин. Исто така нема сомнение во врска со одговорноста на сирискиот режим со оглед на тоа на кој начин саринот е произведен, изјави Еро пред новинарите по претставувањето на извештајот на француските разузнавачки служби. 

Извештајот на француското разузнавање е изготвен врз база на анализи на примероци.