Синдикатот на УПОЗ бара неотповиклива оставка од Зоран Караџовски
Синдикатот на УПОЗ денеска побара неотповиклива оставка од претседателот на Судскиот совет Зоран Караџовски, бидејќи, според нив тој е еден од главните виновници за лошата финансиска состојба во која се наоѓаат вработените во судовите.
- Караџовски го сметаме за главен виновник затоа што двапати по 40 проценти кои минатата година ни беа задржани, беа на сметка на судовите до 31 декември 2016 година и можеше многу едноставно со негово одобрение овие пари да ни бидат вратат назад, истакна потпретседателката на Синдикатот на УПОЗ, Верица Тасева на денешната прес-конференција.
Синдикатот на УПОЗ реагира поради тоа што со Предлог-буџетот за 2018 година се изоставени вработените во судската служба и во јавнообвинителската служба, кои неколку пати досега штрајкуваа барајќи зголемување на платите и исплата на додатоците за плата.
Од Синдикатот на УПОЗ се надеваат дека наскоро ќе се подобрат и условите за работа на вработените во казнено-поправните и во воспитно-поправните домови бидејќи, како што информираа, веќе е остварена средба со директорот на Управата за управување на санкции и во подготовка е новиот закон за извршување на санкции во кој учествуваат и претставници на синдикатот.
Во врска со актуелната состојба околу изборот на претседател на ССМ, ставот на Синдикатот на УПОЗ е дека нивниот кандидат Пецо Грујовски ги исполнил условите да биде можен кандидат за претседател. Следните денови, како што најавија од УПОЗ, со став ќе излезе нивниот кандидат Грујовски.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка