Синдикатот на „Македонска пошта“ бара повисоки плати и пролонгирање на либерализацијата на поштенскиот пазар
Синдикатот на „Македонска пошта“ бара зголемување на платата за 10 проценти и враќање на бодот којшто, според нив, е намален пред 12 години. Бараат и пролонгирање на либерализацијата на поштенскиот пазар и итна средба со премиерот за решение за нивните барања.
Претставници на Синдикатот денеска на прес-конференција истакнаа дека во изминатите неколку месеци имале интензивни разговори со Управниот одбор на компанијата, но оти не успеале да најдат соодветно решение.
– Долгогодишното барање за зголемување на платите се темели на фактот што повеќе од 30 години ниту за еден денар не се зголемија платите во „Македонска пошта“, а незадоволството кај вработените е поголемо со намалувањето на вредноста на бодот пред 12 години, изјави претседателот на синдикатот Боро Велигденов.
Покрај покачувањето на платата, вработените бараат да им се набави и работна облека, која, според нивните кажувања, не е набавена повеќе од 10 години.
Сметаат дека либерализацијата на поштенскиот пазар треба да се пролонгира до приемот на државата во Европската унија со образложение дека доколку се влезе во овој процес, дополнително би се влошиле состојбите на вработените.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација