Синдикатот на администрација и државна управа при КСС обвинува за притисоци врз синдикалните лидери
Синдикатот на администрација и државна управа при Конфедерацијата на слободни синдикати обвинува дека се вршат притисоци врз претседателите на синдикалните организации во јавната администрација.
Како најнов случај денеска на прес-конференција беше посочен отказот од работа што го добил претседателот на синдикалната организација на Агенцијата за вработување, Спасе Николов.
Тој, како што изјави на прес-конференцијата, бил изложен на притисоци и дискриминација од неговото назначување за претседател на синдикалната организација, а посочи и дека во Агенцијата за вработување била оневозможена работата на синдикатот бидејќи паралелно е формиран уште еден синдикат во кој членуваат сите нововработени на кои со самото вработување им се давале пристапници за членство во синдикатот.
– Неколкупати бев распореден на различни работни места, но не реагирав затоа што тоа го сметав за ситна провокација, рече Николов, додавајќи дека против него била поднесена и дициплинска постапка.
Во Агенцијата за вработување, според тврдењето на Николов, бил распишан и оглас за вработување на 14 лица на работни места кои претходно биле испразнети затоа што вработените биле прераспеделени на други места.
Конфедерацијата на слободни синдикати денеска повтори дека не се согласува со трансферот на вработени од јавниот во приватниот сектор и побара замрзнување на вработувањата во јавниот сектор. Се пожалија и на ниските плати кои, како што рекоа, се движат во просек околу 17.800 денари. Следниот протест го најавија за 26-ти следниот месец во Штип. Тоа ќе биде втор протест по оној одржан во Прилеп.
Ново на Сител
-
Убедливо водство на Силјановска
-
ОБСЕ/ОДИХР ги објави првичните резултати за првиот круг претседателски избори
-
Хроника на изборни нерегуларности за првиот круг на претседателските избори
-
Анализа на првиот круг од претседателските избори
-
Убедлива победа на Силјановска во првиот круг, Пендаровски најавува продолжување на европската агенда
-
Груби со куфер од пред Општина Чаир побара да си одат четворицата претседатели од албанската опозиција
-
Таткото на Вања Ѓорчевска оди во куќен притвор
-
Таткото на Вања повторно бара слобода од Врховниот суд