Македонија
14. November 2017 - 16:22

Синдикатот бара оставка од претседателот на Судскиот совет

Синдикатот на УПОЗ бара неотповиклива оставка од претседателот на судскиот совет Зоран Караџовски. Според нив, тој е главен виновник за лошата финансиска состојба во која се наоѓаат вработените во судовите. Незадоволни од буџетот за 2018-та во кој не се предвидени повисоки плати за вработените во судската служба, од УПОЗ најавуваат тужби. Сметаат дека Владата може да обезбеди средства за повисоки плати во судовите, доколку ги скрати бенефициите на јавните функционери.

Правдата на суд ќе ја бараат и вработените во јавнообвинителската служба. Поради не исплатени додатоци на плата, тие веќе ги почнале постапките за поднесување тужби.

Синдикатот на УПОЗ се надева и дека со новиот закон за извршување на санкции ќе се подобрат условите за работа на вработените во казнено-поправните и во воспитно-поправните домови.