Синдикат на Клинички центар: Ветувањето од сто илјади денари плата за докторите не е реализирано
Сегашната основна нето плата на доктор специјалист во Клиничкиот центар во Скопје, согласно важечкиот колективен договор, е 44.517,00 денари и ги потсетуваме премиерот и министерот за здравство дека тоа е далеку од ветената во програмата основна плата на доктор специјалист во терциерно здравство од минимум 100.000,00 денари и двојно зголемување на основната плата на здравствените работници, соопшти денеска Извршниот одбор на Самостојниот синдикат на Клиничкиот центар.
Во случај платата на здравствените работници да биде зголемена согласно програмата, информираат од Синдикатот, со право ќе го побарате и ќе можете да сметате на гласот на здравствените работници на претстојните парламентарни избори, а јавно ќе побараме од своето членство да ја поддржи Вашата политичка опција,
Во спротивно, посочуваат од Синдикатот, ќе ја загубите довербата не само кај здравствените работници, туку и кај поголемиот дел од граѓаните, бидејќи на трибините и јавните настапи, постојано истакнувавте дека здравството и спречувањето на одливот на здравствениот персонал е еден од врвните приоритети на Владата.
Од Синдикатот потенцираат дека се уште веруваат во ветеното дека докторите специјалисти во терциерното здравство ќе имаат основна плата од 100.000,00 денари, а на медицинските сестри и останатиот здравствен персонал двојно ќе им се зголеми платата, што несомнено е главниот услов да се задржи здравствениот персонал во државава.
Доколку, во најкус временски рок не преземете конкретни активности за реализација на ветеното зголемување на платите, Синдикатот на Клинички центар на почетокот на наредниот месец ќе го консултира своето членство за преземање радикални чекори за остварување на оваа програмска определба, која Синдикатот на Клинички центар уште на почетокот во целост ја поддржа, стои во соопштението.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка