Син на руски тајкун брутално ја убил девојката, а родителите го бранат: Не сме иста класа!
Марк Конков, син на руски бизнисмен е осуден на девет години затвор поради брутално убиство на бившата девојка, шеснаесетгодишната Карина Залесов во куќата на неговите родители во Новосибирск.
Имено, Конков поранешната девојка 25 пати ја избодел со нож, во главата и вратот, а кога се појавил на судењето веднаш ја признал вината.
На изрекувањето на казната, бесните родители на обвинетиот изрекле неверојатни обвинувања на сметка на жртвата.
Ја обвиниле дека таа е виновна за се, дека припаѓа на пониска општествена класа и дека никогаш и не смеела да се дружи со нивниот син.
Марк Конков по убиството не бил притворен, туку му бил одреден домашен притвор, поради што низ Русија се одржале бројни протести, бидејќи луѓето сметале дека случајот ќе се заташка и дека богатството на таткото на убиецот и неговите политички врски ќе извршат притисок на полицијата и судството. Сепак, протестите вродиле со плод и на Марк Конков му бил одреден притвор.
Во затворот му направиле и психолошки тестирања за време на кои му е утврдено нарушување на личноста и склоност кон садизам, но се заклучило дека во моментот кога ја убил Карина бил психички здрав. Токму поради тоа обвинението било преправено од убиство во свирепо убиство.
Сепак, Игор Конков, таткото на убиецот, инаку градежник, на судот тоа упорно го негирал.
– Немаше ништо посебно свирепо. Го видов нејзиното тело и изгледаше нормално. Единствено беше мртва. Ние сме од различни слоеви на општеството. Никој не ја повикал во нашата куќа, сама дојде – рекол Игор Конков на судењето.
На судењето можело да се слушне дека Марк Конков ја повикал Карина во својата куќа во октомври 2015 година. Рекол дека ќе се убие ако не дојде. Но, бидејќи таа конечно се појавила тој брутално ја изудирал со дланките и со дрвена фигура пред да употреби нож.
Таткото на убиецот тврдел дека тие се договориле заедно да направат самоубиство, но форензичките докази покажале дека девојката очајнички се обидувала да се одбрани од бруталните напади.
На судењето, Конков ги демантирал тврдењата на татко му за какво било заедничко самоубиство со жртвата и рекол:„Едноставно ја убив и тоа е се“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово