Симовски: Задоволен сум од двете победи против Ф.Острови

Селекторот Симе Симевски по натпреварот истакна дека е задоволен од победите но дека се уште треба да се работи на играта и пред се менталитетот на девојките:

„ Сигурно дека сум задоволен со двете победи бидејќи игравме против селекција која негува скандинавски ракомет, постојано држат ниво во текот на сите 60 минути во стилот на Шведска, Данска, Норвешка и затоа секое опуштање значеше дополнителен притисок врз нас. Сигурен сум дека на тренинзи ги работиме сите ситуации за да не влегуваме во криза но на натпреварите приказната е сосема друга па така се случи период од 8-9 минути без постигнат гол. Тоа е за жал нашиот менталитет но се надевам дека против силни селекции ќе играме помотивирано што и го покажавме на некои од претходните натпревари“ изјави Симески за ТВ Сител.