Симеоне остана без победа против Барса
Изедначувачкиот гол на Усман Дембеле го лиши тренерот на Атлетико Мадрид, Диего Симеоне од првата победа против Барселона во Ла Лига.
„Јорганџиите“ водеа до последната минута кога Дембеле се запиша во листата на стрелците за 1:1 на „Ванда Метрополитано“. За популарниот Чоло, тоа беше 14-от натпревар во Примера, каде што не успеа да победи против Каталонците. Подолга негативна серија против „лос кулес“ од тренерите во Шпанија има само Марселино (15).
Инаку Симеоне ги пофали своите играчи по дербито минатата ноќ. Иако разочарувањето од пропуштената победа и шансата Атлетико да ја предводи табелата, тренерот на Атлетико ги нагласи позитивните нешта.
– Ми се допадна претставувањето на мојот тим. Ни недостасуваше малку среќа на крајот, но факт е дека Барса не притисна во последните минути. Бевме блиску до победата и сметам дека ја заслуживме. Противникот не не изненади со ништо. Излезе тактички натпревар, без многу шанси. Мило ми е за голот на Диего Кошта. Секој пат кога тој е на теренот, имаме голема шанса да победиме, изјави Симеоне по натпреварот.
Ново на Сител
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас
-
Преглед на вестите од светот
-
Последен работен ден за пратениците од овој состав
-
Информативен ден на НАТО програмата „наука за мир и безбедност“
-
Мисија на УНЕСКО во Охрид
-
Преглед на вестите од светот