Силјановска-Давкова: Лошата политика не може да го згази правото
Кандидатот за претседател поддржан од ВМРО-ДПМНЕ, Гордана Силјановска Давкова, попладнево од Свети Николе порача дека без владеење на право и правда, без битка со криминал и корупција, битка со непотизам, подобрен здравствен систем и квалитетно образование тешко ќе добиеме датум за преговори за ЕУ.
– Лошата политика не може да го згази правото. Лошата политика треба да се санкционира. Власта нон-стоп зборува за политика, а ние нон-стоп ги предупредуваме на правото, ама правото е пред политиката. Оти ако политиката не е ограничена со правото, ако не е под правото, ако не е врамена во правото, ќе доведе до дискрециски овластувања. Ќе доведе до постапувања што не водат сметка за човековите слободи и права, рече Силјановска Давкова.
Истакна и дека изминатите две и пол години народот се изнагледал „незауздана политика“, а последиците се видливи и познати.
-Дојде времето да си помогнеме едни на други, а тоа е на 21 април. Мислам дека е важно она што им го негиравме за време на референдумот, не давајќи им никаков легитимитет, сега да го потврдиме изборно. Бидејќи изборите даваат и изборите одземаат легитимитет. Изборите велат мојот суверенитет нема да ви го пренесам бидејќи не го заслуживте, го негиравте. Оти ние рековме „не“, а тие сами си рекоа „да“. И не само „да“, туку едно чудо закони прекршија. Го прекршија Уставот и сега глумат дека се Европјани, нагласи Силјановска пред граѓаните на Свети Николе.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка