Свет
27. August 2017 - 8:42

Силен земјотрес регистриран во Папуа Нова Гвинеја

Земјотрес со јачина од 6,6 степени беше регистриран во океанот, крај североисточниот брег на Папуа Нова Гвинеја. Не постои закана од цунами, соопшти Центарот за предупредување од цунами со седиште во Хаваи.

Потресот бил на длабочина од 10 км, веднаш до островот Манус, истакна центарот.

Според податоците на американскиот геофизички институт, епицентарот бил на 115 километри северозападно од градот Лоренгау, каде живеат над 6.000 лица. Нема податоци за повредени или за предизвикана материјална штета.