Силен земјотрес ја потресе Русија
Силен земјотрес со интензитет од седум степени според Рихтеровата скала го погоди денеска далечниот истокна Русија, соопшти американскиот Геолошки завод.
Земјотресот се случил во 3.25 часот по локално време на длабочина од 160 километри во планинскиот предел на Камчатка, со епицентар 87 километри северозападно од регионалниот центар Петропавловск-Камчатка.
Засега нема извештаи за жртви, ниту дека е причинета материјална штета.
Руската академија на науките соопшти дека по првиот се регистрирани седум вторични потреси со интензитет од два до 4,8 степени во истиот реон на Камчатка.
Тоа подрачје се наоѓа во близина на пацифичкиот „огнен прстен“, каде се многу чести земјотреси и ерупции на вулкани.
Националниот и Пацифичкиот центар за предупредување на цунами соопштија дека нема опасност од појава на цунами.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари