Силекс го победи Борец, Академија Пандев останува непоразена и по 6.коло во ПКФЛ

 

Фудбалерите на Силекс ја прекинааа низата од три порази, откако попладнево во Кратово го победија Борец со 3:0. 

 

Серијата голови ја отвори Серафимовски уште во 19.минута, а во финишот на првиот дел (43.минута) Костовски од пенал го постигна вториот гол. 

 

Конечниот резултат го постави Ивановски на десет минути пред крајот (80). 

 

Домашна победа оствари и Работнички кој со голот на Марковиќ (63.минута) ја  совлада Македонија ЃП со 1:0. 

 

На гостински терен се радуваше Вардар кој во Чаир со 2:1 славеше над Шкупи, како и Шкендија која во тетовското дерби ја имаше улогата на гостин против Ренова која ја победи со 2:0. 

 

Единствено немаше гол на дуелот во Струга каде лидерот на табелата Академија Пандев одигра 0:0, со што и по шестиот меч „Пандевци“ останаа единствената непоразена екипа во прволигашката конкуренција. 

 

СИЛЕКС - БОРЕЦ  3 – 0 

РАБОТНИЧКИ - МАКЕДОНИЈА Ѓ.П 1 – 0 

РЕНОВА - ШКЕНДИЈА 0 – 2 

СТРУГА ТЛ - АКАДЕМИЈА ПАНДЕВ 0 – 0 

ШКУПИ - ВАРДАР 1 – 2 

 

1 АКАДЕМИЈА ПАНДЕВ 14 бодови

2. ВАРДАР 13

3. МАКЕДОНИЈА ГП 11

4. ШКУПИ 8

5. СТРУГА ТЛ 8

6. ШКЕНДИЈА 7

7. РЕНОВА 7

8. СИЛЕКС 6

9. РАБОТНИЧКИ 6

10. БОРЕЦ 4

 

Следното 7.коло на програмата е претстојниот викенд