Си-Ен-Ен: Стравот од новиот коронавирус предизвикува расизам и ксенофобија на Запад
Истовремено со ширењето на вирусот на запад, се случуваат повторно предрасуди кон жители на Азија, нивната храна и обичаи.
Многу азиски жители кои живеат во странство велат дека луѓето почнале да ги гледаат како патогени-што-одат. Еден од нив укажува на пример кога во Лондон во автобус седнал на седиште, лицето покрај него веднаш станало и се оддалечило, јави Си-Ен-Ен.
Во изминатите неколку недели се појавија дезинформации и лажни вести за азиските граѓани и кинеската храна, и не само што поттикнуваат страв и јавна параноја за коронавирусот, туку, како што јави Си-Ен-Ен, засилуваат и расистички стереотипи за кинеската храна како валкана и опасна.
Во текстот се вели дека Кинезите јадат истата храна како и сите други во светот, само малцинство луѓе во Кина јадат диви животни – дури и во еден град каде се промовира јадењето кучиња, мнозинството од населението не го прави тоа, па затоа дури и кинеските активисти ширум светот почнаа кампања против познатиот фестивал на месо од кучиња.
Ново на Сител
-
Фриленсерството во Македонија - Предности и маани
-
Започна церемонијата за потпишување на Кодекс за фер и демократски парламентрани избори
-
Специјализантите незадоволни продолжуваат со штрајкот
-
100 болни и изнемоштени лица во Штип се пријавиле за гласање во домашни услови
-
Костадиновска Стојчевска ќе ја тужи Арсовска
-
Преглед на вестите од светот
-
Меѓаши: Сериозно е нарушена психолошка состојба на децата
-
Со исказ на сведоци денеска продолжи судењето за Пендиков