Си-Ен-Ен : Дефект на навигацискиот систем причина за инцидентот во Персискиот Залив
Дефектот на навигацискиот систем е причина за инцидентот со американските морнари во Перскискиот Залив, јавува Си-Ен-Ен.
Инцидентот се случи доцна синоќа, на неколку часови пред последното обраќање на претседателот на САД, Барак Обама за „состојбите во нацијата“, кога два мали американски патролни бродови на кои имало десетмина морнари, за кусо време навлегле во територијалните води на Иран.
Бродовите и морнарите, деветмина мажи и една жена, биле заробени од припадницоте на Иранската револуционерна гарда и одведени на островот Фарси.
За инцидентот, телефонски разговарале американскиот државен секретар Џон Кери и неговиот ирански колега Џавад Зариф.
Според Си-Ен-Ен, Американците му се извиниле на Иран за инцидентот, за кој се тврди дека бил ненамерен и предизвикан од технички проблеми.
Извинувањето на САД го споменува генералот на Иранската револуционерна гарда, Али Фадави кој инцидентот и грешката на американските морнари ја оквалификува како „непрофсионалност„.
Генералот Фадави, сепак, рекол дека Американците „наскоро ќе бидат ослобдени“ не прецизирајќи кога тоа ќе се случи.
Американски извори на кои се повикува Си-Ен-Ен изјавиле дека се верува оти морнарите ќе бидат пуштени во текот на денешниот ден.
Во Вашингтон се веруваше ослободувањето на морнарите да се случи уште во текот на изминатата ноќ, додека претседателот Обама им се обраќаше на Американците, но набргу стана јасно дека морнарите ќе мора да поминат една ноќ на иранска територија.
Од американака страна нема потврда дека државниот секретар Кери им се извинил на иранските власти за инцидентот во Персискиот Залив.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка