Свет
14. May 2017 - 12:39

Си Џинпинг: Не сакаме да ја наметнуваме својата волја туку соработка

Кинескиот претседател Си Џинпинг апелираше денеска на тесна соработка меѓу државите од Азија и Европа во области од борба против тероризам до финансии.

Си се обрати на учесниците на меѓународнито форум што се одржува денеска и утре во Пекинг и зборуваше за проектот Еден појас, еден пат. Форумот се заснова на стратегија што кинескиот претседател ја покрена во 2013 година со цел создавање инфраструктура и поблиски односи на државите од Евроазија долж новиот Пат на свилата – коридор за испорака на стоки од истокот.

Си нагласи дека неговата влада „не сака да ја наметне својата волја на другите“ и повика на економска интеграција и соработка на полето на финансиски регулации, борба против тероризмот и безбедноста.

– Би требало да негуваме визија за заедничка, сеопфатна кооперативна и одржива безбедност и да создадеме безбедносно опкружување што ќе го изградат сите и ќе го делат сите, рече Си.

Тој повика да се интензивираат акциите против тероризмот и причините за сиромаштијата и социјална неправда.

На форумот се присутни лидери на 29 држави.

Рускиот претседател Владимир Путин нагласи дека економскиот развој ќе придонесе за политичка стабилност.

– Русија смета дека за иднината на евроаазиското партнерство не е само негување на односите меѓу неколку држави и економии, нагласи Путин. Тој доаде дека тоа треба да го измени политичкиот и економски пејзаж на континентот донесувајќи и на Евроазија стабилност и просперитет.