Спорт плус
22. May 2017 - 9:48

Шведска светски првак во хокеј на мраз

Хокеарската репрезентација на Шведска е нов светски шампион откако синоќа во Келн, Германија, по подобро изведување пенали ја победи Канада со 3:1.
 
Виктор Хедман во финишот на втората третина и донесе водество на Шведска, а Рајан О’Рајли во првите минути од третиот период изедначи на 1:1, резултат со кој завршија основните 60 минути како и продолжението. Во пенал-серијата Швеѓаните два пати беа прецизни, Канаѓаните не погодија ниту еднаш и не успеаја да го одбранат светскиот трон.
 
За Шведска ова беше јубилејна 10. титула, додека Канада остана на 26 трофеи од Мундијалите.
 
Во натпреварот за 3. место Русија ја победи Финска со 5:3.