Ракомет
24. September 2017 - 8:47

Штребик: Задоволен сум во двата дуела од ЛШ само од бодовите

Втора победа и освоени два бода во групата А од Лигата на шампионите за ракометарите на Вардар по триумфот над Нант. Но, дека не беше воопшто лесно и дека Вардар не е на посакуваното ниво голманот Арпад Штербик, кој имаше 12 одбрани изјави:

- Имавме ривал, кој нема звучни имиња како Хансен, Карабатиќ во големите екипи, но имаат 8-9 играчи од светска класа. Како екипа се многу добри. Оваа сезона ги следиме од подготовките и победија големи екипи Веспрем, ПСЖ,... Знаемвме што не чека. Одигравме многу добро, но има и многу работи кои треба да се поправат. Во двата натпревара од ЛШ досега, Висла и овој сега, задоволен сум само од бодовите и ништо повеќе. Ќе дојдеме до предност од 4-5 голови и не ја задржуваме концентрацијата исто како и со Висла, паѓаме и еден ден тоа може и да не „кошта“, мора многу да работиме и да не му дозволиме на противникот да се врати по 2-3 пати од негатива од 4-5 голови.