Здравје
22. August 2017 - 21:19

Што се случува во телото ако секој ден јадете диња

Дињата содржи големо количество на вода, а многу малку калории. Тоа ја прави одлична за диетална исхрана и прочистување на организмот.

Порција доња од 150 гр содржи:
53 калории, 0,3гр масти, 13гр јаглени хидрати, 1,4гр растителни влакна, 30% од потребната дневна количина витамин А и 78% дневна количина на витамин Ц.

Ова вкусно овошје е богато со антиоксиданси, холин, зеаксантин и бета каротен, кои обезбедуваат заштита од голем број на болести – од обична настинка до рак.
Со оглед на тоа дека 90-95% од составот на дињата е вода идеална е за хидратација во текот на летните топли денови.

Покрај ова дињата има и неколку лековити својства…

 

1. Го заштитува здравјето на очите
Дињата содржи хранливи состојки важни за здравјето на очите – бета каротен (од која го ослободува витамин А ), витамин Ц, лутеин и зеаксантин. Зеаксантин е важен каротеноид, кој се апсорбира од страна на мрежницата на окото и кој дејствува како антиоксиданс и УВ заштита.

2. Го намалува ризокот од астма
Ризикот од развој на астма е помал кај луѓето кои консумираат поголема количина на одредени хранливи материи. Бета-каротен е хранлива материја, која се наоѓа во жолтите и портокаловите овошја како што се дињите, тиквите, морковите и зелениот лиснат зеленчук како спанаќ и кељ.

3. Го регулира крвниот притисок
Дињата содржи растителни влакна, калиум, витамин Ц и холин кои го штитат здравјето на срцето. Консумирањето на храна богата со калиум помага во регулирање на нивото на натриум што е важно за регулирање на висок крвен притисок. Калиумот му помага на телото да се ослободи од вишокот на натриум и, исто така, го намалува високиот крвен притисок.

4. Штити од рак
Дињата е богат извор на антиоксиданси кои имаат голема улога за заштита на здравите клетки во телото од оштетувања и воспаленија кои можат да доведат до рак. Многу студии дојдоа до заклучок дека дињата може да биде корисна во спречување на рак на дебелото црево, простата, дојката, на ендометриумот, белите дробови и рак на панкреасот.

5. Го регулира варењето на храната
Дињата е лесно сварлива храна и се препорачува да се јаде на празен стомак пред друг оброк. Добар избор е за оние со чувствителен стомак, бидејќи содржи ензими и не одзема енергија при варењето во организмот.

6. Има анти-воспалителни својства
Холинот е важна хранлива состојка која се наоѓа во дињата и помага за подобар сон, учење и меморија. Исто така е од суштинско значење за одржување на еластичноста на клеточната мембрана, пренесувањето на нервните импулси, искористувањето на мастите и намалување на хроничното воспаление. Редовното консумирање на диња помага во намалување на оксидативниот стрес, со што се намалуваат и воспалителните процеси кои можат да доведат до развој на артритис.

7. Ја штити кожата и косата
Редовното консумирање на диња е одлично за убавината на кожата и косата. Ова се должи на витаминот А, кој помага за производство на себум, кој ја навлажнува кожата и косата и е од суштинско значење за нивниот раст.
Витаминот А е важен за чиста кожа, ја штити од УВ зраците и го одложува стареењето.
Покрај витаминот А и витаминот Ц е важен за созавање и одржување на колагенот, кој на кожата и косата им дава цврста структура.