Што очекува Франција од Европа во борбата против тероризмот
По ланските напади во Париз, француската Влада излезе со листа на барања до своите партнери од Европската унија, а истите барања сега ги повтори по последните терориситчки акции во Брисел.
Како што јави дописникот на МИА од Париз, француската Влада бара засилување на контролата на надворешните граници на ЕУ.
По тој повод во декември 2015 година беше променет членот 7-2 од Шенгенскиот договор, чие спроведување се очекува наскоро. Со оваа промена се дозволува да се проверува идентитетот на секој патник кој влегува или излегува од ЕУ со споредба на податоците на националните полиции и на европските.
Засега само извесен број на профили, на ризични лица кои не се со европско потекло беа предмет на овие конторли.
Француската влада исто така сака да влезе на сила „листата на регистрирани патници“ во авионскиот сообраќај, што се уште не е усвоено од страна на Европскиот парламент. Таа требаше да биде усвоена на почетокот на март, но некои европратеници од левицата, загрижени од злоупотреби на овие листи, извршија притисок ова гласање да биде одложено се до усвојувањето на текстот за заштитата на податоците.
Кога ќе биде изгласан, државите членки на ЕУ ќе треба да го пренесат овај текст во своите законодавства во рок од две години.
Третата точка на која инсистираат Французите е борба против трговијата со оружје.
Министерот за внатрешни работи Бернар Казенев, побара ревизија на директивата 91/477, која се однесува на огненоното оружје и трговијата со него.
Некои од оружјата користени за време на нападите во јануари 2015 потекнуваа од Балканот. Директивата во извесен дел е изменета во декември 2015, но таа целосно не е спроведена на дело.
Ново на Сител
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина