Штипските пензионери шијат 3.000 заштитни маски
Пензионерките кои се членови на Здружението на пензионери-Штип почнаа слободното време да го користат во шиење на заштитни маски. Претседателот на здружението, Ристе Нетков вели дека до понеделник ќе се сошијат околу 3.000 маски.
-Ангажиравме поголем број на пензионери кои се вклучија во оваа, така да ја кажам, хумана акција, и маските ги шијат дома. Со нивна меѓусебна комуникација верувам дека маските за кратко ќе бидат готови, вели Нетков.
Тој најави дека маските ќе се делат на неколку пунктови.
–Во врска со изработката и дистрибуција на заштитните маски договорено е тие да се поделат пред влезовите од супер маркетите на Кит – Го во градот, во раните утрински часови во понеделник од 8.00 до 9.00 часот. Освен бесплатното делење на заштитни маски за пензионерите, ќе поделиме бесплатно и заштитни ракавици, информира Нетков
Во моментов, во дел од штипските конфекции се шијат околу 20.000 заштитни маски, наменети за вработените во здравствените институции, полицијата, АРМ, државните институции и за реалниот сектор, вакви маски за повеќекратна употреба добија и медиумските работници во Штип.
Ново на Сител
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно
-
Тошковски: Сериозно сум загрижен за изборниот процес
-
Се заокружуваат предизборните коалиции
-
Азески: Економијата да биде приоритет, а политичарите да ги исполнат ветувањата
-
Приватните специјализанти на протест – нема корекција на плати пред избори, им вратија надлежните