Штипска Клиничка болница ќе бара европски пари за реконструкција на Инфективното одделение
Центарот за развој на Источно планскиот регион (ИПР) и Клиничка болница-Штип ќе бараат европски пари за реконструкција и адаптација на зградата на регионалното Инфективно одделение. Директорката на Центарот за развој на ИПР, Драгица Здравева вели дека Клиничка болница-Штип со овој проект ќе аплицираат на вториот повик од Програмата за Меѓугранична соработка со Бугарија, кој се очекува да биде објавен кон крајот на следниот месец.
- Оваа зграда нема да биде во рамките на новата Клиничка болница, која што се гради. Тоа одделение останува надвор од неа и би било добро ние како Центар заедно со Клиничката болница да успееме да изработиме квалитетна апликација и ја поднесеме до Програмата за Меѓугранична соработка, вели Здравева.
Таа додава дека како Центар можат да конкурираат на овој повик и со други две општини од источниот регион. - Јас лично сметам дека треба да одиме исклучиво со инфраструктурни проекти, нешто видливо, нешто што ќе остане и за идните генерации, како што е случајот еве во Штип со изградбата на регионалниот Мултимедијален центар, потоа како што е случај со Општина Кочани проектот „Зелени згради за заедничка зелена иднина“, каде што вршиме целосна адаптација на зградата во енергетски ефикасен објект, рече Здравева.
Единесетте општини од источниот регион на вториот повик за Програмата за Меѓугранична соработка со Бугарија ќе можат да аплицираат за инфраструктурни и меки проекти, а на располагање на овој повик се околу 10 милиони евра.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри