Штип ќе се збратими со српската општина Параќин
Штип и српскиот град Параќин ќе се збратимат. За ова денеска во Штип разговараа штипскиот градоначалник Илчо Захариев и претседателот на општина Параќин Саша Пауновиќ.
Градоначалникот Захариев информира дека подолго време се одвиваат разговорите за збратимување, а денешната е и прва официјална посета и средба со градоначалникот на Параќин и неговата делегација.
- Најдовме можности за соработка на повеќе полиња, најнапред на економски план, на образовен, културен и спортски. Параќин е град со долга традиција, со одлична индустрија и мислам дека таа соработка би била корисна за граѓаните на Штип, но и за граѓаните на Параќин, рече Захариев.
Претседателот на општина Параќин Саша Пауновиќ истакна дека двете општини, а и двете држави ги поврзуваат заедничката историја и културата.
- Очекувам дека соработката ќе биде успешна и наскоро да го потпишеме документот за збратимување. Следи процедура која е согласно законите на двете земји. Ќе соработуваме на сите полиња, меѓу кои економија, култура, образование и спорт. На поврзување на луѓето, а за нас се важни младите, да се видат и запознаат, рече Пауновиќ. Додаде дека општина Параќин има околу 54.000 жители, од кои 25.000 живеат во градот, а останатите во развиените села. Оваа општина има развиено земјоделство, за што и овозможуваат и природните ресурси, но има и индустрија.
Српската делегација од Параќин денеска ги посети културно-историските споменици, но и фабрики кои се во индустриските зони во Штип. Првата соработка меѓу Штип и Параќин се очекува да биде на културен план.
Ново на Сител
-
Демири: Владата ги презеде трошоците за лекувањето на Леонид Индов
-
Народниот правобранител со бесплатна телефонска линија за пријавување повреда на избирачко право
-
Демири најави разрешување на медицинскиот директор на Токсикологија
-
Кочанчанец за една ноќ извршил шест кривични дела
-
Почина затвореник во „Идризово“
-
Демири: Приватните специјализанти по изборите ќе добијат поголем надомест
-
Лекари од Токсикологија на прес-конференција алармираат за хаос на Клиниката
-
Во Струмица оштетен билборд на претседателскиот кандидат Бујар Османи