Штети кај овошките од ниските температури во Кумановско
Снегот е добредојден за есенските посеви, поволно влијае врз влажноста на почвата и ги заштитува од измрзнување, но, како што велат од Здружението на земјоделци од Куманово, штета предизвикаа ниските температури, кај овошките и лозовите насади.
- Од крајот на завршувањето на есенската сеидба до јануари имаше долг период на суша во Кумановско, немаше врнежи, па затоа снегот е поволен за есенските посеви, изјави претседателот на здружението Момчило Трајковски.
Во Кумановско се посеани над 80 отсто од планираните површини. Според Подрачната единица на Министерството за земјоделство, во општините Куманово, Липково и Старо Нагоричане за есенска сеидба беа предвидени 21.150 хектари од кои 11.000 со пченица, 6.850 со јачмен, 300 со рж и 1.250 со фуражни култури.
Под овошје, пак, се 80 хектари. Од здружението информираат дека се уште нема проценка колкави се штетите од ниските температури и дека допрва ќе се утврдуваат. - Кај овошките има одредени штети. Пријавуваат оние кои одгледуваат, но проценката ќе покаже колкави се, нагласи Трајковски.
Во здружението се регистрирани околу 3.000 земјоделци од општините Куманово, Липково и Старо Нагоричане.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп