Штајнмаер повика на поголема соработка во светот, како во 1945 година
Германскиот претседател, Франк-Валтер Штајнмаер денеска ја повика меѓународната заедница да ја научи лекцијата од крајот на Втората светска војна и да „оди кон поголема, а не помала соработка“ во борба со пандемијата на новиот коронавирус.
-Не треба да прифатиме дека мирот воспоставен во 1945 година исчезнува во форма на чад пред нашите очи. Ние сакаме повеќе, а не помалку соработка во светот, вклучително и во борбата против пандемијата, истакна Штајнмаер во говорот во Берлин по повод 75- годишнината од крајот на Втората светска војна.
Штајнмаер во својот говор ги повика сите сонародници да гледаат на 8 мај 1945 година како ден на благодарноста, а не горчина поради поразот.
– Да, ние другите Германци денеска може да кажеме дека Денот на ослободувањето е ден на благодарноста. И ни беа потребни три генерации да можеме да го кажеме тоа со полно срце, изјави Штајнмаер.
Во својот говор, Штајнмаер го спомена говорот на еден од неговите претходници, Рихард фон Вајцекер, кој остана забележан во историјата. На 40-годишнината од завршувањето на Втората светска војна, Вајцекер првпат проговори за „денот на ослободувањето“, исто така, за Германија, што во тоа време претставуваше раскин со дотогаш распространетата перцепција за пораз на земјата.
Користејќи го терминот „благодарност“ овој пат, Германија презема дополнителен чекор во работата на својата меморија во време кога екстремната десница ја доведува во прашање културата на германското каење за нацистичките злосторства, што е столб на националната реконструкција по војната.
Штајнмаер говореше на мала церемонија на која тој, канцеларката Ангела Меркел, шефовите на парламентот и Врховниот суд положија венец во меморијалниот центар за жртвите на војната и насилството во Берлин, за да ја одбележат 75-годишнината од завршетокот на Втората светска војна.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.