Свет
9. November 2016 - 12:46

Штајнмаер: Германците не ја посакуваа победата на Трамп

Германскиот министер за надворешни работи Франк Валтер Штајнмаер изјави денеска дека победата на Доналд Трамп на претседателските избори во САД не е она што повеќето Германци го посакувале.

Тој оцени дека надворешната политика на Вашингтон повеќе нема да биде предвидлива, како што беше досега и потсети дека Трамп за време на кампањата изнел серија критики на сметка на Европа и Германија.

- Резултатите од изборите не смеат да се потценат, без оглед на тоа што не се поклопуваат со желбите на повеќето Германци. Но ние ќе ги прифатиме, рече Штајнмаер.