Шри Ланка: Половина милион луѓе ги напуштиле домовите поради поплави

Во Шри Ланка почна да пристигнува меѓународна помош за половина милион луѓе кои ги напуштиле домовите поради поплавите и свлечиштата предизвикани од силните дождови.

Локални претставници наведуваат дека нивото на водата благо опаднало во текот на изминатата ноќ, но недоволно за да луѓето почнат да се враќаат во домовите.

Министерството за надворешни работи на Шри Ланка објави дека во најголемиот град на земјата Коломбо пристигнал индиски воен авион со помош, додека се очекува да впловат два индиски воени брода.