„Шпилје“ и „Глобочица“ за шест месеци произвеле околу 334 милиони квч електрична енергија
Во Хидроелектраните „Шпилје“ кај Дебар и „Глобочица“ кај Струга, кои го сочинуваат црнодримскиот слив, во првото полугодие од годинава произведени се вкупно 334 милиони киловат часови елекрична енергија.
И во двете хидроелектрани, според надлежните, планираното производство за овој период од годината не само што е остварно, туку и натфрлено.
ХЕ „Шпилје“ во првото полугодие од годинава испорача над 207 милиони квч електрична енергија што претставува натфрлување на планот за предметниот период за над 30 проценти. Овој резултат претставува реализација на 75 отсто од планираното производството за цела година, согласно енергетскиот биланс.
- Во хидроелектраната „Глобочица“ во првото полугодие забележано е поголемо производство од планираното за околу 22 отсто.Во овој извештаен период произведени се над 126 милиони квч електрична енергија што претставува реализација на годишниот план за 66 отсто, велат надлежните од ХЕ „Глобочица“.
Според нив, добрите производни резултатите се должат на поволната хидрологија, погонската подготвеност и на солидната оптимизација на производните капацитети.
Инаку и двете хидроелектрани во моментот имаат солидна резерва на вода во акумулациите.
Во акумулациите „Дебарското езеро“ и „Глобочица“ има резерва на вода за производство на над 30 милиони киловат часови електрична енергија, а просечниот дотек на вода изнесува околу 30 кубни метри вода во секунда.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово