Шпанија: Мерките за заштита на економски најзагрозените продолжени до октомври
Шпанскиот премиер Педро Санчез денеска соопшти дека актуелните мерки, кои вклучуваат заштита на најзагрозените од економските последици од епидемијата на коронавирусот, ќе бидат продолжени до крајот на октомври.
Шпанија е една од земјите што беше економски најтешко погодена на почетокот на епидемијата.
Кога карантинот беше продолжен во март минатата година, шпанската Влада воведе голем број социјални мерки, а кабинетот на Педро Санчез објави дека промените ќе бидат одобрени во текот на следната недела.
Шпанија се соочува со парадокс да биде, од една страна, еден од светските лидери во вакцинацијата, со 55,7 проценти од 47 милиони луѓе целосно вакцинирани, а од друга, земја со една од највисоките стапки на зараза со Ковид-19 во Европа во последните две недели.
Новите случаи се раширија најмногу меѓу лица на возраст под 30 години, кои допрва треба да се вакцинираат.
Земјата регистрираше вкупно 4,3 милиони случаи на Ковид-19 и над 81.000 смртни случаи.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка