Шкупи ги симна „академците“ од 4. место

Екипата на Шкупи направи значаен пробив во горниот дел од табелата во Првата МФЛ откако убедливо со 5-2 ја совлада Академија Пандев во рамките на 19-тото, прво пролетно коло.
Мечот беше решен уште во првите 20-тина минути од натпреварот кога Блаже Илијоски со 3 гола блесна во дебито во својот нов клуб.
Откако Стоилов го постигна почесниот погодок за гостите од Струмица на Илијоски му се укажа шанса да постигна и 4. погодок но не успеа да го реализира ударот од белата точка.
Сепак Јашароски зголемува на 4-1 за да на спротивната страна италијанскиот интернационалец Грифони ублажи на 4-2.
Конечните 5-2 ги постави младиот Стојкоски.
Со оваа победа Шкупи сега има 26 бода и изби на 4. позиција на табелата пред Академија Пандев.