Шилегов: Продажбата на барокната градска куќа е по одлука на Советот на Град Скопје
Граѓаните не беа прашани дали сакаат барокна градска куќа на таа локација. Продажбата на градската куќа е по одлука на Совет на Град Скопје, како надлежен орган, на јавна електронска лицитација што ќе биде транспарентна. Ова денеска го соопшти градоначалникот на Скопје Петре Шилегов, одговарајќи на новинарско прашање.
– Местото на седиштето на администрацијата на главниот град не е некаде фрлено на страна. Местото на седиштето на главниот град е во центарот на градот. Тоа што некој немал визија, не се грижел, ниту знаел, ниту умеел да определува што се приоритети на Град Скопје во минатото е една од причините затоа што живееме во ваков град во каков што живееме во овој момент, рече Шилегов.
Негрижата за јавниот транспорт и за топловодната мрежа, дивеењето во урбанизмот, се причините поради кои овој Град е меѓу најзагадените градови.
– Ако навистина знаеле што е приоритет на Град Скопје, немаше да ја фрлат градската куќа таму каде што е фрлена, рече Шилегов.
Тој рече дека работи по пределени стандарди што треба да важат за градската администрација.
Прашан зошто е ниска почетната цена на барокна градска куќа или 12,7 милиони евра, Шилегов рече дека почетната цена е толкава колку што Градот навистина потрошил.
– Финансиските извештаи што ги направивме, финансиските извештаи што ги имаме укажуваат дека нето средствата што Градот ги потрошил во инвестицијата се толку колку што е почетната цена. Не мислам дека е коректна информацијата за 20-тина милиони евра. Таа со ДДВ е околу 15 милиони евра, рече Шилегов.
На вчерашната 41. седница на Советот на Град Скопје, по предлог на градоначалникот Петре Шилегов се стави на гласање и се изгласа одлуката за продажба на барокната Градска куќа на кејот на реката Вардар.
Ново на Сител
-
Дел од извештаите на светските медиуми за претседателските избори во државава
-
ДИК: Oд обработени 80,03% oд гласовите Силјановска Давкова 284.775, Пендаровски 139.167
-
Јакимовски: Резултатите се далеку од моите очекувања
-
ДИК: Oд обработени 77,32% oд гласовите Силјановска Давкова 272.729, Пендаровски 133.184
-
Османи: Европскиот фронт ја победи коалицијата Вреди со над 40.000 гласа
-
Се слави пред седиштето на ВМРО-ДПМНЕ
-
ДИК: Oд обработени 71,19% oд гласовите - Силјановска Давкова 247.366, Пендаровски 121.228
-
ДИК: Oд обработени 63,59% oд гласовите Силјановска Давкова 214.560, Пендаровски 105.593